بالله ليه
كل التريدو بيجهلك بالله ليه والتابهو تلقاهو
معاك معاك لو فى الثريا يحصلك
بالله ليه
التهواهو من جوه القليب تلقاهو يحب الجفا
اهلا يقولا بلا نفس والبسمة الا تصادفه
والحكمة مع سواك اخر محنة وصفا
بالله ليه
الترفضو تلقاه يهواك ودوام كايس يسعدك
يهواك بلا كلفه ونفاق وفوق رموشو يسكنك
مابيرضى فيك ابداً كلام وفى غيابك يمجدك
بالله ليه
حيرنى أمرك يا غرام بقيت زى مطر الخريف
الناس تكوس ليه فى الخلا وهو بنزل غرق الرصيف
اعمل شنو ما ده حال الدنيا ما بتدى الحريف.
والله تعبت تعب فيها أنتي عاملاها ضع النقط علي الحروف ولا شنو ....... تحياتي ( رفيق )
ردحذفاخ رفيق تحياتى , رايك فيها شنو
ردحذفلو نظمتيها أنتي اعترف بأنك شاعرة ذات احساس مرهف
ردحذفوانصحك بالكتابة المستمرة حتي ولو خواطر في ابيات
قليلة ولا ياخذك شك في قدراتك وانشري كل ما تكتبي
لتكون لديك ثقة حتي لو في قصاصات علي السريع وقد اعجبني قولك .
الترفضو تلقاه يهواك ودوام كايس يسعدك يهواك بلا كلفة ونفاق وفوق رموشو يسكنك مابيرضي ابدا كلام
وفي غيابك يمجدك .
واقول ليك أنا .
المجافيك يا حبيبي بينك وبينو مـسافات
باع حنانك بالرخيص من دربك عدي فات
لاسكة تجمعك بيهو .
لادروب الهوي فيها نهايات
طريق طويل نجمة نجمة احسب
وفي آخر السكة تحن عليك النجمات
تجيك نسمة منو
تقول حبيبي امكن اظنوا
النجمات كلمنوا بالضياع والآهات
هذه وليدة اللحظة ..
مع اجمل تحياتي (رفيق )
بالله ليه !!!! هل هذا شعر .
ردحذفشعركم مقطع دا لو عندكم شعر احترموا القراء لو سمحتم .
نقماش النقشي
اخ رفيق مساء الخير شكرا على تشجيعك لى وعلى كلامك اللطيف , بس شاعرة دى شوية كتيرة انا مرات بيخطر على بالى كلام وبكتبه بس حاسمع كلامك واى خاطرة حاكتبه , بس عايزه اسألك لى متين انت حتكون مجهول اتمنى انك تعرفنى عليك اكتر .
ردحذفاختنا ايمان لك التحية قريبا سأدعوك لزيارتي
ردحذفحتي نكون علي تواصل واتشرف جدا بمعرفتك واتمني
ان تواصلي كتابة خواطرك علي المدونة حتي تكون
لك الرغبة اكثر للكتابة واثراء مدونتك بأعمالك
وافكارك لكي مني كل المني ( رفيق )
هههههههههه روعة في شكل هلامي يعني بامية مفروكة
ردحذفبالبصل الاخضر ويا حبذا لو هناك شطة خضراء ههههه
كرفكيرتر ...
حيرني امرك ياغرام بقيت ذي مطر الخريف .....
ردحذفهههههههههههههه زوز كبكب زوز كبكب ذلبكة .
ياخي الناس ديل انا تعبت معاهم معليش اختنا ايمان حقك علي .......... ( رفيق )
ردحذفولا يهمك اخ رفيق ماتتعب نفسك معاهم انت ماعندك ذنب عموما زى ماقلت ليك كل اناء بما فيه ينضح ,
ردحذفاشكرك كتير .
جمال الدنيا لم الزول يفتش ذاتو في ذات زول يكون ذاتو ؟
ردحذفوسعادة الدنيا لما الزول يفتش ذاتو في ذات زول بفتش ذاتو في ذاتك ؟
وشقاوة الدنيا لم الزول يفتش ذاتو في ذات زول بفتش لسه في ذاتو ؟
الغربة ما بعد المسافة ولا السفر آخر المطاف الغربة في القلب البعاند وفي السحاب الطشا جافا.......
الغربة في الموية البتنزل وتحرم الناس من ضفافا .....
الغربة في الزول التريدو تلقاه في آخر مســــافة .......!
طاب وقتكم استمتعت جداً بالقصيدة اعلاه وحبيت اشارك بقصيدة احبها جداً لاني اشاهدتها كثيراً في هذا الزمان وهي مشابهة جداً لما كتبت الاخت الفاضلة لكن فل نأخذ ما طاب ونترك ما تعثر من هذه المهازل العاطفية ؟
جعفر السقيد
ردحذف