الأحد، 12 أبريل 2009

بالله ليه


كل التريدو بيجهلك بالله ليه والتابهو تلقاهو


معاك معاك لو فى الثريا يحصلك


بالله ليه


التهواهو من جوه القليب تلقاهو يحب الجفا


اهلا يقولا بلا نفس والبسمة الا تصادفه


والحكمة مع سواك اخر محنة وصفا

بالله ليه


الترفضو تلقاه يهواك ودوام كايس يسعدك


يهواك بلا كلفه ونفاق وفوق رموشو يسكنك


مابيرضى فيك ابداً كلام وفى غيابك يمجدك


بالله ليه


حيرنى أمرك يا غرام بقيت زى مطر الخريف


الناس تكوس ليه فى الخلا وهو بنزل غرق الرصيف


اعمل شنو ما ده حال الدنيا ما بتدى الحريف.


هناك 12 تعليقًا:

  1. والله تعبت تعب فيها أنتي عاملاها ضع النقط علي الحروف ولا شنو ....... تحياتي ( رفيق )

    ردحذف
  2. اخ رفيق تحياتى , رايك فيها شنو

    ردحذف
  3. لو نظمتيها أنتي اعترف بأنك شاعرة ذات احساس مرهف
    وانصحك بالكتابة المستمرة حتي ولو خواطر في ابيات
    قليلة ولا ياخذك شك في قدراتك وانشري كل ما تكتبي
    لتكون لديك ثقة حتي لو في قصاصات علي السريع وقد اعجبني قولك .
    الترفضو تلقاه يهواك ودوام كايس يسعدك يهواك بلا كلفة ونفاق وفوق رموشو يسكنك مابيرضي ابدا كلام
    وفي غيابك يمجدك .
    واقول ليك أنا .
    المجافيك يا حبيبي بينك وبينو مـسافات
    باع حنانك بالرخيص من دربك عدي فات
    لاسكة تجمعك بيهو .
    لادروب الهوي فيها نهايات
    طريق طويل نجمة نجمة احسب
    وفي آخر السكة تحن عليك النجمات
    تجيك نسمة منو
    تقول حبيبي امكن اظنوا
    النجمات كلمنوا بالضياع والآهات

    هذه وليدة اللحظة ..

    مع اجمل تحياتي (رفيق )

    ردحذف
  4. بالله ليه !!!! هل هذا شعر .
    شعركم مقطع دا لو عندكم شعر احترموا القراء لو سمحتم .
    نقماش النقشي

    ردحذف
  5. اخ رفيق مساء الخير شكرا على تشجيعك لى وعلى كلامك اللطيف , بس شاعرة دى شوية كتيرة انا مرات بيخطر على بالى كلام وبكتبه بس حاسمع كلامك واى خاطرة حاكتبه , بس عايزه اسألك لى متين انت حتكون مجهول اتمنى انك تعرفنى عليك اكتر .

    ردحذف
  6. اختنا ايمان لك التحية قريبا سأدعوك لزيارتي
    حتي نكون علي تواصل واتشرف جدا بمعرفتك واتمني
    ان تواصلي كتابة خواطرك علي المدونة حتي تكون
    لك الرغبة اكثر للكتابة واثراء مدونتك بأعمالك
    وافكارك لكي مني كل المني ( رفيق )

    ردحذف
  7. هههههههههه روعة في شكل هلامي يعني بامية مفروكة
    بالبصل الاخضر ويا حبذا لو هناك شطة خضراء ههههه
    كرفكيرتر ...

    ردحذف
  8. حيرني امرك ياغرام بقيت ذي مطر الخريف .....
    هههههههههههههه زوز كبكب زوز كبكب ذلبكة .

    ردحذف
  9. ياخي الناس ديل انا تعبت معاهم معليش اختنا ايمان حقك علي .......... ( رفيق )

    ردحذف
  10. ولا يهمك اخ رفيق ماتتعب نفسك معاهم انت ماعندك ذنب عموما زى ماقلت ليك كل اناء بما فيه ينضح ,
    اشكرك كتير .

    ردحذف
  11. جمال الدنيا لم الزول يفتش ذاتو في ذات زول يكون ذاتو ؟
    وسعادة الدنيا لما الزول يفتش ذاتو في ذات زول بفتش ذاتو في ذاتك ؟
    وشقاوة الدنيا لم الزول يفتش ذاتو في ذات زول بفتش لسه في ذاتو ؟
    الغربة ما بعد المسافة ولا السفر آخر المطاف الغربة في القلب البعاند وفي السحاب الطشا جافا.......
    الغربة في الموية البتنزل وتحرم الناس من ضفافا .....
    الغربة في الزول التريدو تلقاه في آخر مســــافة .......!
    طاب وقتكم استمتعت جداً بالقصيدة اعلاه وحبيت اشارك بقصيدة احبها جداً لاني اشاهدتها كثيراً في هذا الزمان وهي مشابهة جداً لما كتبت الاخت الفاضلة لكن فل نأخذ ما طاب ونترك ما تعثر من هذه المهازل العاطفية ؟

    ردحذف
  12. جعفر السقيد

    ردحذف