خسارة
ابكى احلامى البقت اوهامى
وابكيك وابكى حبك
كنت دايره وا خسارتى
احيا بيك وانتصربك
كنت شايفاك زى حمامة
طاير قدام سابق سربك
صرت صياد يرمى عصفور
عشو قلبك
كنت فى حقل الامانى
بسقى ورد الواقعية
وياما فى بحر التفانى
يهزم الموجة العتية
ليه ابا يغير حنانى
فيك عواطف هامشية
ليه بقيت بريق ثوانى
ودايراك الشمس الفتية
صرت ليه زى همسة خافتة
ودايراك الصرخة القوية
نشوف جمالك وطلعتك البهية
فى الحلم يا ما احتضنتك
تارى فى الهواء بحتضن
يا خسارة السنين
كيف اصدق انقضن
اشتهيت بيتنا وولادنا
واشتهيت ابوهم
بيت بسيط بيت اعتيادى
يعجب الناس كلهم
وانت فيه منوره ومأليه سعادة
اعزم الناس كلهم
وعنك كتيراحكى و اقولهم
الا هسع يا خسارة
صرت اهرب منهم
ليست هناك تعليقات:
إرسال تعليق